Уллы Енъуьвдинъ 77-нши йыллыгын байрамшылав сыйына районымыз бойынша автоювырув озгарылаяк. Ол туьнегуьн, 5-нши май куьнинде,автоювырув катнасувшыларынынъ эртенъги 8.30 саьатте Терекли-Мектебте район администрация меканынынъ касында йыйылувыннан басланды.

Сонъ, автоювырув йорыклары анълатылып, бу шара катнасувшылары районымыздынъ куьнтувар-кубыла бетлеринде орынласкан Эдиге, Калинин эм Ленинаул, Карасу эм Кумлы авылларынынъ йоллары ман оьтти.
Экинши, 6-ншы май куьнинде, автоювырув Батыр-Мурза, Червленные Буруны, Куьнбатар, Шумлелик эм Нариман авыллары иши мен бардырылаяк.
Эм мине уьшинши – 7-нши май куьнинде автоювырув Бораншы, Карагас, Орта-Тоьбе эм Уьйсалган авылларынынъ йоллары ман оьтеек.
Белгилеп озайык, аьр авылда бу данъклы куьнди байрамшылав сы- йына шатлыклы митинглер озгарувга, Баьтирлер эстеликлерине эм кардаш камырларына шешекейлер байламларын салувга да эс каратылган.
Бизим хабаршы.