Шешен Республикасынынъ Сары-Сув авыл орта мектебининь 9-ншы класс окувшысы Малика Наврузова окытувшы Кельдихан Шамбиловадынь етекшилиги астында «Аталыгымыз» деген окувшылардынъ тергев-краевед куллыклары бойынша Савлайроссиялык ярысынынь регионаллык кезегининъ «Этнография» деген 2022- нши йылдагы номинациясында енъуьвши болып шыкты.

Ярыс «Аьр бир саьбийдинъ етимиси» деп аталган федераллык проектининъ «Билимлендируьв» деген миллет проектин яшавга шыгарув бойынша патриотизм эм гражданлыкты тербиялав мырады ман озгарылады. Шешен Республикада яшайтаган ногайлардынъ миллет-маданият автономиясынынъ пресс-релизининъ билдируьвине коьре, ярыстынъ катнасувшысы Малика Наврузова регионаллык кезегинде енъген иси мен ярыстынь федераллык кезегинде де ортакшылык этеек.
Суьвретте: миллет кийиминде Малика Наврузова етекшиси Кельдихан Шамбилова ман.