Янъыларда Ногай районынынъ аькимбасы Мухтарбий Аджеков геологоразведчиклери эм олардынъ етекшиси «Ставропольнефтефизика» Акционер обществосынынъ тамада геофизиги Михаил Мошкин мен йолыгысты. Бу йолыгыста Ногай ра- йоны бойынша Россия ОМВД-сынынъ етекшиси Наиб Каракаев те ортакшылык этти.

Михаил Мошкин район аькимбасына билдиргенлей, Ногай районына геофизиклер босына келмегенлер.
– Бизим борыш – Ногай ра- йонынынъ еринде нефть эм газ барын излев. Биз туьрли тергевлер этемиз. Аьлиги заманда куллыклар юритиледилер, –деди геофизик.
Онынъ соьзлери мен, геологоразведчиклер уьш ай ишинде район ерининъ 190 шакырымын тергемеге ниетленедилер.
Мухтарбий Аджеков конак- ларды тынълап, геологоразведчиклер юриткен исти хош коьретаганын билдирди, неге десе еримизде нефть эм газ табылса, яшавшыларга янъы ис орынлар шыгаяк эди. Солай ок бюджетке туьскен налоглар районымыздынъ экономикасынынъ оьрленуьвине косым этер эди.
Ол район администрациясы геологоразведчиклер исине демевлик этеегин билдирди.