Ямагат каравшылардынъ институты 2018-нши йылдан алып аьрекет этип келеди. Ямагат каравшылары биринши кере Россия Федерациясынынъ Президентининъ сайлавлары озгарылув заманында сайлав участокларында аьрекет этип баслаганлар. Ямагат каравшылардынъ бас борышы оьтетаган сайлавлар аьдильлик пен, законды тутувы ман эм бир иркуьвсиз оьткенин канагатлав болады.

Нефтекум кала округында ямагат каравшылардынъ штабы кепленген, оны 2021-нши йылдан алып мектебтинъ тыскы ислери бойынша орталыгындагы яслардынъ ислери бойынша директордынъ орынбасары Эльвира Аджиньязова етекшилеп келеди.
Сол ис аьрекетин усташа эм яваплы толтырувы Россия Федерациясынынъ Ямагат палатасы ман йогары бааланды: Эльвира Аджиньязова Разылык хатына тийисли этилинген.
Ямагат аьрекетшисине оьз исинде келеекте де коьп йылларга белсенли яшав йорыгын тутып, ямагатка эм тувган ерининъ онъайлыгына яшап эм аьрекет этип келгенин йораймыз.
Суьвретте: Эльвира Аджиньязова.