Сизди ак юректен Енъуьв куьни мен кутлайман!

Уллы Енъуьв оькимет байрамынынъ йыл сайын маьнелиги артады. 9-ншы Май – ол Россияда савлайхалклык эм энъ де янга якын байрам. Бу уллы куьн, динине, миллетине, политикалык эм социаллык ваькиллигине карамастан, баьри россиянлыларды бирлестиреди. 9-ншы Май ол баьри несиллердинъ Уллы Енъуьви, неге десе элимизде аьдемшилик тарихинде бу коркынышлы эм энъ кан тоьгисли согыс азабын шекпеген бир аьел де йок. Бизим аьр кайсымыз заманлар бойы несилден-несилге Енъуьв байрагын оьктемлик пен алып барып, коьширип турганды уьйкен сыйлы ис деп санайды: янаяткан Рейхстаг уьстине бизим атайлар эм ата-бабалар салган Енъуьв байрагын.
Буьгуьнде, тынышлык заманында, биз парахатлыкта оьтетаган оьмирлигимизге куьезленуьв мен кыйын салып эм оьз балаларымызды тербиялап болгандай яшавды туьзгенлерди сый ман эскеремиз эм эсте саклаймыз.
Бас иемиз сизинъ алдынъызда, бизим тыл куллыкшылар, тул хатынлар эм согыс балалары! Тоьбедеги коьк дайым да булытсыз болсын, а касынъыздагыларынъыз сиз сав-саламат эм наьсипли болсын уьшин колларыннан келген баьри затты этсинлер.
Уллы Енъуьв байрамы ман, сизди!
«Ногайский район» МР администрациясынынъ
аькимбасынынъ ис борышларын
толтырувшы Х.Саитов