Коронавируслы маразы ман биз аьли де аманластык деп айтып болмаймыз. Бу куьнлерде сол юкпалы эм зарарлы, бир ерлерде аьдемнинъ яшав оьмирине кавыфлы, «Омикрон» кеби айлак куьшли яйылып барады. Медицина куллыкшыларынынъ билдируьвлерине коьре, авырувдынъ бу кеби бираз енъил болса да, оьзлерининъ авырувлары бар аьдемлерге, эслилерге бек кавыфлы болады.

Бу куьнге Дагестан Республикасы бойынша зарарланганлар саны оьсуьвге баратаганы коьрсетиледи. Арасында оьлимге аькелген ерлер де белгиленеди. ДР Аькимбасы Сергей Меликовтынъ бу- йырыгы ман регион бойынша куьн сайын тергевлер озгарылып турады. Сол санда бизим Ногай районымыз да бар. Аьли уьшин, Ногай районында коронавируслы маразы ман авырыйтаганлар саны 50-ге ювык (больницада) эм 118 авырувлы аьдемлер уьйлеринде эмленедилер. Авырувга карсы вакцинацияды 9172, сол санда 842 ревакцинация оьткенлер.
Эсинъизге салып озамыз, санитарлы йорыкларды саклап, ден савлыгынъызды сакланъыз!