Дагестанда янъы коронавирус юкпалы маразынынъ таралувына карсылык этуьв бойынша республикалык Оперативлик штабынынъ кезекли йыйынында ДР Аькимбасынынъ куллыгын кесек заманга юритуьвши Сергей Меликов 65 ясыннан уьйкен ислейтаган гражданлар уьшин куллыкка шыгувга салынган тыйдажлыклар тайдырылувы акында билдирген.

Солай ок Дагестан Аькимбасынынъ куллыгын кесек заманга юритуьвши COVID-19 маразы ман авырыганлардынъ саны тоьменлеп барса, соны ман бирге коронавирус юкпалы маразына карсы ийне сугылган гражданлар саны арта берген сайын, Оперативлик штабынынъ келеяткан йыйынында (24-нши увыт айына якынлап) баска тыйдажлык- ларды да тайдырув амаллары ойласылып каралаяк деп белгилеген.
Буьгуьнлерде Дагестанда 3000 артык аьдемлер вакцинацияды оьткенлер.