Ногай КПРФ РК-нда Владимир Ильич Ленин тувганлы 150 йыл болувына багысланган шаралар озгарыладылар. Соны ман байланыста партиядынъ Ногай районындагы Комитетининъ бюросынынъ агзалары районымыздынъ авылларында яшаган ясуьйкенлерге «В.И. Ленинге 150 йыл» деген мерекели медальлерди тапшырув ниет пен олардынъ уьйлерине барадылар.

Соьйтип, Дагестан реском КПРФ-нынъ секретари, Ногай райком партиясынынъ 1-нши секретари, Дагестан Республикасынынъ Халк Йыйынынынъ депутаты Мурзадин Авезов педагогикалык исининъ ветеранлары Ашувхан Шандиева эм Сейдахмет Кадыров пан йолыгысты эм оларга КПРФ ЦК-нинъ «В.И. Ленинге 150 йыл» деген медалин тапшырды. Солай ок КПРФ райкомынынъ секретари Шатемир Мунгишиев КПРФ РК бюросынынъ агзасы Н.Курбанов пан бирге ис ветераны, яратувшылык интеллигенциядынъ белгили ваькили Каирбек Юмартов пан йолыгысып, йогарыда белгиленген медалин тапшырдылар. Мундай шаралар уьстимиздеги 2020-ншы йылдынъ сонъына дейим озгарылаяклар.
КПРФ РК-нинъ пресс-службасы.
Суьвретте: М.Авезов А.Шандиевага медаль тапшырады.