Кизляр районнынъ Новокрестьяновка орта мектебининъ 7-нши класс окувшысы Алина Етмишова (суьвретте) – коьримли, шалыскыр окувшылардынъ бириси деп саналады. Ана тилине уьйкен эс береди, ятлавлар окымага суьеди, спектакльлерде катнасады. Коьп Сый грамоталарга тийисли болган.
Бир йыл артта Алина «Ногай Эл» радиосы уйгынлаган аналарга багысланган ярыста катнасып, биринши орынды алган. Бу йыл онынъ ана тилине багыслап язган ой-язбасы: «Меним карасым Ана тилин саклавга» деген, районда биринши орынды алып, республика бойынша енъуьвши болды.
Уьйде Алина – анасынынъ онъ колы деп айтпага болады, неге десе ол анасына баьри яктан да ярдамласады: туьрли аслар асады, савытты ювады, уьйди йыйнайды, шешекейлер оьстиреди.
Алдыда Алинага уьйкен уьстинликлер йораймыз.
Е.Эдильбаева,
Новокрестьяновка орта мектебининъ ана тилиннен окытувшысы.