Ис орында — яваплылык пан ________________

Куьздинъ куьни бизге ийги туьрленислер аькелмедилер. Куьтпеген кар явып, кар астында аьли де сондай табиат коьринисине аьзир болмаган тереклер, шешекейлер, баьри оьсимликлер калдылар эм сынганлар да коьп болды. Баьримизге де белгили болганлай, сол тереклер араларыннан, астыларыннан кететаган электропроводларга зыян келтирилди. Коьплеген аьдемлер электроярыксыз калдылар.

Тек Ногай районында ис аьрекетин бардыратаган РЭС куллыкшылары тамада инженер К.Муталимов, тамада диспетчер К.Буланбаев, электромонтерлар: А.Шокаев, К.Оразалиев, Д.Кокшеев (Терекли-Мектеб участогында), А.Яриков, Н.Оразов (Карагас участогында) тез аьрекетте оьз куллыкларын кеспилик усталыгы ман толтырдылар, район яшавшыларына онъайлыклар туьздилер. Сол специалистлер мен бирге белсен куллыгын бардырды Ногай РЭС коьлик айдавшысы А.Кокоев.

Олар район яшавшыларына электроярыкты еткерер уьшин баьри куьшлерин де салдылар. Кайсы ис орында да оьз исин суьйип бардырган аьдемлер болса, яшавшылардынъ куьндегилик яшавлары да ярык эм онъына барады.

Г.Курганова.
Суьвретте: Ногай РЭС куллыкшылары.