Пенсияга шыгув алдындагы гражданлар — хатынлар 50 ястан сонъ эм эрлер 55 ястан сонъ – Почта Банкта аьжетсизленуьвдинъ онъайлы йорыклары ман эм бонуслар ман пайдаланмага боладылар. Алдын сондай онъайлыклар ман тек банктан пенсия алатаган пенсионерлер пайдаланатаган эдилер. Онъайлыкты кулланмага шакырув 9 айдан сонъ куьшин йояды. Эгер сол заманнынъ ишинде клиент банктан пенсиясын алып басласа, тариф оьз-оьзиннен созылаяк. Солай ок гражданин кыйын акын банкка коьширсе яде банктынъ «белсен» клиенти болып калса, олай дегенимиз, банктынъ картасы ман яде «Почта Банк Онлайн» деген приложениеде ай сайын 10 000 маьнеттен кем карыжламаса, банктынъ бас онъайлыкларын сакламага болады.

Пенсияга шыгаяктынъ алдындагыларга яде пенсиядагыларга банк коьплеген онъайлыкларга аьллер туьзеди: йыл сайын гражданиннинъ аманат эсабында калган акшага 6 процент косылады, алган кредитининъ ставкасы эки процентке кемийди, банкка аманат этип салган акшасынынъ ставкасына йыл сайын 0,25 процент косылады, бизим карта ман аптекаларда, автозаправкаларда, темир йол кассаларында тоьлевлер этсе, 3 процент кэшбэк болады. Солай ок бизим банкта баска онъайлыклар да бар.

«Пенсияга шыгаяктан алдын аьдем кайсы банк пан пайдаланаягы акында ойланады. Бизим банк беретаган онъайлыклар гражданларга пенсияга шыгаяктан алдын дурыс банк сайламага амал береди. Биз яваплы банк эм савлай элде бизим тармаклар кенъ. Туьрли регионларда яшайтаган аьдемлер бизим банк ийги дегени экенин байыр сулыбында билгенин суьемиз, — дейди Почта Банктынъ президентининъ – правление председателининъ орынбасары Георгий Горшков.

Бизим банктынъ онъайлыклары ман пайдаланув уьшин бизим эски клиентлеримиз занъ согып айтса да болады, янъы клиентлер банкка келип, келеекте бизим банкка оьзининъ пенсиясын коьширмеге ниети бар экени эм келисли тарифти ога байланыстырув акында аьризе язбага керек.

Пенсионерлер эм пенсияга шыгаяклар банклар уьшин кызыклы эм пайдалы туьрким. Олар нызамлы, оьзлерининъ карыжларын эсаплап боладылар, олардынъ келимининъ сенимли булагы бар.

«Буьгуьнлерде Почта Банкта 4 миллионга ювык пенсионерлер аьжетсизленедилер, ол да баьри клиентлердинъ уьштен бир пайы болады. Пенсионерлер Почта Банктынъ баьри де аманатшыларынынъ 30 проценти

боладылар. Солай ок пенсиядагылардынъ банкка аманат эсабында салган акшаларынынъ кадери оьсе береди, — дейди Георгий Горшков.

Пенсияга шыгаяктынъ алдындагыларды канагатлавдынъ амаллары ман банктынъ сайтында таныспага болады.