Ногай лесничествосынынъ Червленные Буруны авыл участогынынъ 55 гектарында язлыкта олтыртылган яс орман оьсимликлерине «МТЗ-52» тракторы ман механизмлестирилген карав берилген.

«Дагестан Республикасынынъ Аькимбасы Владимир Васильев орман куллыкшыларынынъ эслерин истинъ ызгы сырагыларына каратпага эм олтыртылган яс оьсимликлерден тереклер оьстирмеге кенъес эткен», – деген ойын билдирген Дагестан орманлык хозяйствосынынъ етекшиси Вагаб Абдулхамидов.
Ол соны ман байланыста Ногай районына айырым маьне берилмеге керегин белгилеген. Район республикада энъ де аз орманлары бар район деп саналады, мунда орман йолаклары савлайы район ерлерининъ тек 1 процентин бийлейди. Республика бойынша бу коьрсетим 7,2 процентке етиседи.
Яс орман оьсимликлерине механизмлестирилген карав беруьв ишине оьсимликлердинъ туьплерин босатув, гербицидлер себуьв, оьсимликлер араларын культиваторлар ман айдав ислери киредилер.