Уьстимиздеги йылдынъ коькек айынынъ 21-нши куьнинде Россия Федерациясынынъ Президенти Владимир Владимирович Путин РФ Федераллык Йыйыны алдында оьзининъ Язбасы ман шыгып соьйледи.
Россия етекшисининъ парламентке йыл сайын оьз соьзин каратувы ийги аьдет болып калды. Бу элимизге бек маьнели документ аркалы ямагатка элдеги аьллер, ишки эм тыс политикадынъ негизли йорык- лары белгили болды.
Язба – программалы поли- тика-ыхтыярлы документ, сол Россиядынъ келеекке оьрленуьвининъ стратегиялык йорыгын коьрсетеди. Мунда айырым политикалык, экономикалык, идеологиялык аьллерди ийгилендируьвге каратылган йорыклар белгиленип, айтылады. Соларды толтырувды Федераллык Йыйынынынъ борышлары да белгиленди.
