2021-нши йылдынъ 22-нши сентябрь – 4-нши октябрь куьнлеринде Дагестан Республикасынынъ еринде, сонынъ ишинде бизим районда да, ведомстволар ара алдын шалув «Оьспир-2021» операциясы озгарылады. Бу операциядынъ бас борышы – осал аьллерде калган оьспирлерди аянлав эм оларга коьмек этуьв, законды бузатаган оьспирлерди аянлав, окувга бармайтаган оьспирлерди аянлав эм билимлендируьв учреждениелерине кайтарув, оьспирлерди кыянатлыклар этуьвге йолыктыратаган аьдемлерди табув эм ыслав.

«Оьспир» операциясы барысында Дагестан Республикасынынъ 87-нши номерли 2016-ншы йылдынъ карагыс айынынъ 22-нши куьнинде шыккан «О мерах по предупреждению причинения вреда здоровью детей, их физическому, интеллектуальному, психическому, духовному и нравственному развитию и признании утратившей силу статьи 13.1 Закона РД «О защите прав ребенка в РД» Законын яшавга шыгарув ниет пен шаралар озгарылады.
Ясы етпегенлер кешки 22:00 саьаттен алып эртенъги 6 саьатке дейим ямагат ерлерде, сонынъ ишинде – орамлар, парк, сатув этилетаган, тыншаюв ерлерде ата-анасыз яде 18 ястан уьйкен кардаш-тувганларсыз юрсе, олар Ногай районы бойынша иш ислер боьлигине аькелинедилер, мунда олардынъ ата-анасы шакырылады.
Бу амаллар балалардынъ физический эм эдап яктан оьрленуьвине буршав беретаган себеплердинъ алдын шалувга каратылган. Ясы етпегенлер туьн заманда ямагат ерлерде болганы уьшин административли яваплылыкка олардынъ закон бойынша ваькили тартылады. Куьналилерге 100 маьнет акшадан 500 маьнет акшага дейим штраф коьриледи. Административли правобузув акында документлер оьспир яшайтаган районынынъ Ясы етпегенлер ислери бойынша Комиссиясына йибериледи. Комиссия демби акында карар алады, оьспирге эм аьелге керек коьмек кеплерин белгилейди.
А.Рахмедов,
Ногай районы бойынша ОУУП ПДН эм ОМВД ПДН инспекторы.