Уьстимиздеги йылдынъ сары тамбыз айынынъ 27-нши куьниннен алып кырк кийик айынынъ 11-нши куьнине дейим Дагестан Республикасында сонынъ ишинде Ногай районымыз бойынша да «Оьспир 2020» алдын шалув операциясы озгарылады.Бу алдын шалув операциясынынъ озгарылувынынъ бас мырады – каравсыз юрген балаларды каравшы органлардынъ аьрекетин белсентуьв, ясы етпегенлердинъ ыхтыярларын коршалав, айырым-алдын шалув ислерди уйгынлав, оьспирлердинъ арасында болатаган кыянатлыклардынъ алдын шалув эм кыйынлы аьлге калган балаларды аянлап, себеплерин ашыклав болады.
Кешки он саьаттен алып эртенги 6 саьатке дейим он сегиз ясына толмаган оьспир орамда, туькенлерде, туьрли аьвликтируьвши залларда эм ортак аьдемлер юретаган ерлерде ата-анасы яде онынъ закон ман токтастырылган коршалавшысы болмай юрмеге ярамайды. Солай болмаган ерде, биз йогарыда белгилеген заман ишинде каравсыз орам бойда коьринсе, Ногай районы бойынша МВД боьлигине аькетилеек, сонда онынъ ата-анасы да шакыртылаяк, себеплери ашыкланаяк.
Дагестан Республикасы, сонынъ ишинде Ногай районымызда да бу айтылган алдын шалув операциясынынъ озгарылувы балаларымыздынъ физический эм нызамлык оьрленуьвине зыян аькелетаган туьрли факторлардан саклав болады.
Бу операциядынъ озгарылувы ишинде савда тармаклары да тергеледи.
Туькенлердинъ иелерине уьйкен тилек, 18 ясына толмаган балаларга ишкишилик, таьмеки алатларын сатпасынлар. Ясы етпеген оьспирлерге ден савлыгына зыян аькелетаган алатларды сатканлар административли яваплылыкка тартылады.
А.Рахмедов,
Ногай районы бойынша Россия ОМВД-сынынъ ПДН эм ОУУП ПДН инспекторы полиция капитаны.