Быйыл, аьдеттегиндей болып, Дагестан Республикасынынъ Аькимбасы Сергей Меликов ДР Халк Йыйынына оьз Язбасы ман шыгып соьйлеек. Баьри дагестан яшавшыларына бу бек маьнели оьзгерис болады.
Сергей Меликов оьз куллыгынынъ басында дагестанлылардынъ онъайлы яшавын салатаганына биз баьримиз де шайыт болып келемиз. Буьгуьнлерде социаллык яктан коьп балалы аьеллерге, военнослужащийлерге, колайсыз яшайтаган гражданларга коьмек этилинеди.
Быйыл да оьз Язбасында республика басшысы регионымыздынъ оьрленуьвине каратылган соравларды коьтерер деп шекленмеймен. Республика басшысынынъ Язбасына коьре, регионымыздынъ властининъ органлары келеектеги йылларга оьз исининъ планларын туьзееклер. Аьлиги кыйынлы заманларга коьре, биз куллыгымызды республикадынъ баьри тармакларынынъ оьрленуьвине каратып, курмага керекпиз.
Язбадынъ энъ маьнели шакырувы дагестанлылардынъ яшав аьллерин ийгилендируьв эм регионды оьрленуьвдинъ янъы кезегине шыгув болар деп ойлайман. Соннан баскалай, айырым эс СВО катнасувшыларды, олардынъ аьеллерин коьтергишлевге берилер. Кашан да, республикадынъ баьри яшав-аьрекет тармаклары каралып, оларды онъландырув бойынша янъы борышлар салынар. Биз, Ногай районынынъ депутатлар корпусы, баска власть органлары ман бирге сол борышларды толтырмага куьш салармыз.
Р.Байманбетов,
«Ногайский район» МР Депутатлар йыйынынынъ председатели.