– Мен уьйкен эс эм кызыксынув ман Дагестан Аькимбасы Сергей Меликов ДР Халк Йыйынына каратылган Язбасы ман шыгып соьйлевин куьтемен, – дейди Ногай район Хатын-кызлар советининъ председатели Асият Манкаева.
– Регион етекшиси социаллык структуралар, экономика соравлары оьрленуьв бойынша дайым да туьрли проектлер, маслагатлар кулланып болады. Мен ойлайман, аьли ол депутатлар парламентине социаллык касиетли шараларын озгарув бойынша маслагатлар этер. 19-ншы апрельде Татымлык уьйинде оьтеек шарада СВО катнасувшылары эм олардынъ аьеллери де ортакшылык этееклер, сол бек суьйиндиреди. Сергей Меликовтынъ буйырыгы ман, согыс спецоперациясынынъ борышларын толтырувда ян берген аьскер аьрекетшилерининъ аьеллерине коьмек этер уьшин, мага коьре, Россияда энъ де биринши болып, Дагестан регионаллык фонды «Биз бирге» курылган. Бу фонд патшалык социаллык коьтергишлев амалларыннан баска коьмекти этеди. СВО катнасувшыларынынъ аьеллерин колтыклав – аьр биревдинъ тувра борышы. Оьзек те, сол зат бизим Ногай районында да этилинеди. Сога коьре, республика етекшиси оьзининъ Язбасында СВО катнасувшыларынынъ аьеллерине уьйкен эс этер деп, ойлайман. Мага коьре, оннан оьзгелей, Сергей Меликовтынъ Язбасында аьскер-патриотлык тербиялав, оьсип келеяткан несилди тербиялав бойынша эм Дагестаннынъ оьрленуьви мен байланыслы соравлар коьтерилер», – деди район Хатын-кызлар советининъ председатели Асият Бадиевна.
Н.Кожаева.