2021-нши йылдынъ коькек айынынъ 15-нши куьниннен алып 21-нши куьнине дейим Дагестан Республикасынынъ япсарларында, сонынъ ишинде Ногай районымыз бойынша, ясларымыз туьрли экстремистлик, террористлик куьплердинъ сыраларына яде законга карсы акцияларды озгаратаганлар сырасына кирип кетпес уьшин, «Сенинъ сайлавынъ» деген алдын шалув шара озгарылды.

Сол шара ишинде иш ислер органларында эсапта турган ясы етпеген балалар тергелдилер, кыйынлы яшав аьллерине калган аьеллер мен хабарласувлар озгарылдылар.
Ясы етпеген балалар акында толы билдируьвлерди алар уьшин, вокзаллар, балалар тыншаймага деп йыйналатаган ерлер, олар болатаган учреждениелер тергелдилер. Солай ок, билимлендируьв учреждениелеринде балалар ман, олардынъ ата-аналары ман анълатув хабарласувлар озгарылдылар, бу хабарласувлардынъ бас темасы – ыхтыяр эм миллет, экстремистлик касиети болган куьплерден сакланув.
Бу шара ишинде Ногай районымыз бойынша ямагатка карсы туратаган яслар куьплерин де аянлап, профилактикалык эсапка алынганлар. Ясларды административлик ыхтыяр йорыкларды бузувга, кыянатлыклар этуьвге аьвликтиретаганларды да аянлав уьшин куллыклар этилдилер.
Соны ман байланыслы болып, Ногай районы бойынша Россия ОМВД куллыкшылары гражданларга уьйкен тилек салады, эгер сиз сондай законга карсы ямагат куьплердинъ уйгынланатаганын коьрсенъиз яде бир зат билсенъиз 8725621478 яде 102 номерли телефонларга тел согынъыз.
А.Рахмедов,
Ногай районы бойынша Россия ОМВД ПДН эм ОУУП ПДН инспекторы полиция капитаны.