Оьткен юма ишинде, 6-ншы сентябрьде, Турция элининъ Стамбул каласында Россиялык билимлендируьв, маданият бойынша биргелес ис аьрекетининъ Орыс орталыгында «Алданганлар» деген документальлик фильмнинъ экинши кесеги коьрсетилип басланды.

Фильмди каравда Стамбулда Россиядынъ Генконсульствосынынъ ваькили, Ногай общинасынынъ председатели Вейсел Демир, ямагат ваькили Ахмед Ахмедов, Орыс орталыгынынъ яслар куьбининъ басшысы Эврен Ахмедов, солай ок сценарий авторы эм фильм режиссеры, «Шоьл тавысы» республикалык газетасынынъ бас редакторы Эльмира Кожаева, биснес-сообществолар ваькиллери ортакшылык эттилер.