Уьстимиздеги йылдынъ кырк кийик айынынъ 8-нши куьнинде районымыздынъ авыл поселениелерининъ депутатларын сайлав (толтырма) озгарылаяк. Сол куьнди рахатлыкта озгарар уьшин саклык тутпага керек болады.

Сайлавларга аьзирлик коьрилетаган, озатаган шакларда террористлик актлар, экстремистлик аьрекеттинъ кенъ яйылувын йибермес уьшин, тийисли шартларды толтырмага керек болады.

Сайлавлар – аьдем яшавында маьнели оьзгерислердинъ бириси болады. Бизим сайлавымыздан районымыздынъ ямагат-политикалык эм криминогенли аьллердинъ кайдай болаягы себепли болады.

2019-ншы йылдынъ кырк кийик айынынъ 8-нши куьнинде озгарылаяк сайлавларга аьзирленуьв ишинде Ногай район бойынша Россия МВД боьлигининъ куллыкшылары да айырым шаралар озгарадылар. Олардынъ бас борышлары – ямагат арасында кавыфсызлыкты канагатлав болады.

Аьли уьшин Ногай районы бойынша Россия МВД боьлигине, сайлавларды бузув ниет пен озгарылмага болатаган ислер акында туьсетаган билдируьвлерге коьре, район яшавшыларына уьйкен тилек, сак болып юринъиз, таныс болмаган аьдемлерге мукаят каранъыз, ят автокоьликлердинъ номерлерин язып алынъыз. Каравсыз яткан дорбаларга, оравлы затларга оьзинъиз янаспанъыз, тийисли органларга билдиринъиз, сол ерлерде мобильли телефонлар ман да пайдаланманъыз.

Солай ок оьзинъиз де террористлик ислер акында бир затлар эсите калсанъыз, кешиктирмей, Ногай районы бойынша Россия МВД боьлигине 8-872-56-21-4-78 яде 02 сеним телефонына тел согынъыз.

Н.Каракаев,
Ногай районы бойынша Россия МВД боьлигининъ начальнигининъ исин толтырувшы
полиция подполковниги.