Дагестан Республикасынынъ Аькимбасы Сергей Меликов, регионымызда коронавируслы маразынынъ кенъ яйылувы ман байланыслы болып озгарган оперативли йыйынында, бу куьнлерде сол авырувдан сакланув уьшин, толтырма шараларды тутув бек маьнели экенин айтып кеткен.
Бу йыйыннынъ басланувы ман Сергей Меликов оннан бираз алдын Россия Президентининъ СКФО-дагы толы ыхтыярлы ваькили Юрий Чайкадынъ катнасувы ман оьткен йыйында болган хабарлар ман таныстырды. Сол йыйында РФ Президентининъ ваькили Россия Федерациясы бойынша мараздынъ янъы кеплери акында анълатув этип кетти.
Йыйыннынъ барысында Дагестан Республикасы бойынша Роспотребнадзордынъ етекшиси Николай Павлов ызгы заманларда коронавируслы маразы ман зарарланув эки кереге оьскенин билдирген. Солай ок регионымыз бойынша сол зарарлы мараздынъ янъы кеби «Омикрон» бары да аянланганын айтып озды.
– Биз мараздынъ авырлыгын анъламага керекпиз. Келеекте мараз кайдай болаягын коьрмеге де борышлымыз. Зарарлы мараздынъ «Омикрон» кеби бек тез яйылып, аьдемлерди зарарлайды, – деди ол. Павловтынъ айтувы ман, республика бойынша озгарылган тергевлерге коьре, авырыганлардынъ 70 проценти оьзлерининъ ювыклары ман катнасувда зарарланганы белгили болган. Солай ок, мараз бан зарарланганлар медициналык, билимлендируьв тармагынынъ куллыкшылары, патшалык служащийлери араларында айлак коьп.
Ызгы заманларда вакцинация эттиретаганлар саны да оьскен. Республика бойынша Махачкала, Буйнакск эм Дербент калаларыннан баска ерлерде вакцинация ти- йисли аьлде юреди. Николай Павловтынъ билдируьвине коьре, республикамызда тестирование бойынша да куллыклар белсенли юреди. Бу куьн- лерге куьн сайын 14 мынъ аьдем тергеледи.
Йыйыннынъ барысында Дагестан Республикасынынъ Савлык саклав министрининъ исин кесек заманга толтырувшы Татьяна Беляева, аьли уьшин стационарлы эмленуьвди бир мынъ сегиз юзге ювык аьдем аладылар деди.
– Куьннен-куьнге эмленуьв уьйине авырып туьсетаганлардынъ саны оьседи. Айтпага, оьткен сутка ишинде 200-ден артык аьдем эмленуьв уьйине туьскени белгиленген. Респуб- ликадынъ орталык больницасында 534 аьдемлер кислород пан канагатланады. Бу куьнлерде баьри тийисли амаллар да бар, авырувлыларды эмлемеге куьшимиз етеди, – деди Татьяна Беляева.
Субъект етекшиси йыйыннынъ ызында авырувлылар саны коьп ерлерди билдирди. Сол ерлерде авырувлылардынъ коьплигининъ бас себеби – вакцинацияды тийисли аьлде оьтпевдинъ сырагылары.
Солар ман бирге Сергей Меликов муниципаллык больницалардынъ врачлары алдына – баьри ОРВИ мен авырыйтаган аьдемлерди де маьне
