Шатраш ойыны ман аьлиги заманда коьплеген балалар кызыксынадылар. Альмира Киреева Червленные Буруны авылынынъ орта мектебинде бесинши класста окыйды.

Шатраш ойынын бек суьеди, ол район, республика, савлай элимиз бойынша оьтетаган турнирлерде катнасып, баргылы орынларга тийисли болады. Озган йыл кызалак Самара каласында авыл еринде яшайтаган окувшылар арасында шатраш ойыны бойынша сынаста катнасып, енъуьвши болды. Альмирадынъ тренери Арслан Тимур увылы Елакаев оьз тербиялавшысы ман оьктемсийди. 2021-нши йылдынъ ызында Альмира Краснодар крайында шатраш бойынша онлайн-турнирде ортакшылык этип, экинши орынды алган.
Янъыларда Удмуртияда тез шатраш ойыны бойынша авыл еринде яшайтаган окувшылар арасында Россия чемпионаты болып озды. Альмира бу сынаста биринши орынды алды эм шатраш бойынша Россия чемпионы болды.
Мен Альмирадынъ уьс- тинлигине бек суьйинемен эм кызга алдыда аьли де коьп енъуьвлер йорайман.
Г.Бекмуратова.
Суьвретте: Альмира Ки- реева.