Аталыкка суьйим тувган еримизге суьйимнен басланады, биз мунда тувганмыз, мунда бизим яшавымызды талаптынъ куьши мен, янынынъ ярасыклыгы ман ярыкландыратаган инсанлар яшайдылар.

Яхья Таймасхан улы Кудайбердиев савлай яшавын анъ ман байланыстырды. Шоьлимизде занъырайды онынъ йырлары. Суьйикли исине яшавын багыслап, Яхья Кудайбердиев оьз кесписин яны ман, юреги мен суьеди. Онынъ яшавы – инсанларга, анъга, саниятка куллык этуьвдинъ яркын коьрими. Композитордынъ бактысы тувган ери мен байланыслы. Онынъ йырлары шоьлимиз, ана, суьйим акында. Яратувшылык йолы ман барады ол эм сол йолында коьплеген етимислерге етискенине баьримиз де шайыт боламыз.
Сыйлы ясуьйкенимиз, белгили композиторымыз Яхья Кудайбердиев «Дагестан Республикасынынъ халк артисти» деген атка тийисли болды. Сондай уьйкен баргы ман кутлап, ога аьли де коьп йыллар халкын занъыраган йырлары ман суьйинткенин йораймыз.

Г.Бекмуратова.
Суьвретте: Я.Кудайбердиев.