Кубыла Осетиядынъ бас каласы – Цхинвалда Дагестаннынъ Халк поэти Расул Гамзатовтынъ бюсты ашылаяк. Онынъ акында ДР Миллет политика эм дин ислери бойынша министерствосы оьз телеграм-каналында билдирди.
Бу ведомство министрининъ айтувы ман, официаллык аьлде эстеликтинъ ашылувы июль айына планланган. Шарада Дагестан делегациясы да ортакшылык этеек.
Солай ок уллы шаирдинъ юз йыллыгын байрамшылав ман байланыста коьплеген маданият-ярыкландырув шаралар Азербайджанда, Белоруссияда, Киргизияда, Узбекистанда эм баска эллердеги Россия ваькиллигининъ негизинде де оьтееклер.