Уьстимиздеги йылдынъ караша айынынъ 21-нши куьнинде «А.Ш.Джанибеков атындагы кубогы» деген шатраш ойыны бойынша ярысы уйгынланып оьтти.

Ярыс каравшыларсыз эм баьри санитар-тазалык талапларын эсаплав бойынша оьтти. Ярыста шатраш кружогынынъ он ети ийги катнасувшылары ортакшылык эттилер. Ярыс ети тур кезегинде, турнир катнасувшыларына 15 такыйка заман болжалы берилуьви мен озгарылды. Шатраш ойыны бойынша билимлери уьшин кызыклы айкасувдынъ тамамында мектеб кубогынынъ иеси эм чемпион атына Аман Саитов тийисли этилди.

Ренат Озганбаев 2-нши орынга, Амин Темирбулатов 5-7-нши класслар бойынша 3-нши орынга, солай болып, 2-4-нши класс балалары арасында 1-нши орынга Алимбек Картакаев, 2-нши орынга Карим Ярикбаев, 3-нши орынга Айдамир Ханмурзаев тийисли болганлар. Кызлар категориясында Наиля Озганбаева 1-нши, Арти Елакаева 2-нши, Хадижа Амангельдиева 3-нши орынларды бийледилер. Сол каныгыслы ярыста Дагестан бойынша яс чемпионлары Аман Саитов эм Наиля Озганбаева оьз статусларын тийислисинше беркиттилер.
Баьри де ярыс катнасувшыларына алдына салынган мыратларына эм спорт бойынша би- йик етимислерине етискенин сагынамыз.

Суьвретте: шатраш ойын ярысынынъ катнасувшылары.