Шоьл еринде – Дагестаннынъ Ногай районынынъ Шумлелик авылында 2024-нши йылга 200 окувшыларга эсапланган янъы мектеб салынаяк. Онынъ акында ДР-нынъ Авыл хозяйство эм азык министерствосынынъ председатели Мухтарбий Аджеков билдирди.

Озган тыншаюв куьнлерде Мухтарбий Аджеков Шумлелик авылында болып, мунда 200 аьдемге эсапланып салынаяткан мектебтинъ курылысынынъ барысы ман танысты. Билимлендируьв тармагынынъ курылыс объекти регионнынъ «Дагсельхозстрой» ГКУ ман салынады. Аьлиги заманга онынъ фундаменти салынган эм, оьзек те, тоьгереги кораланган. Объект 2024-нши йылга кулланувга берилмеге керек.
Министр, ПСД проектированиесиннен баслап, бу мектеб курылысына эм армаганда бардырылатаган ислерге тергев салып, объект курылысы еринде подрядчик пен хабарлады эм онынъ эсин курылыстынъ сапатлыгына эм белгиленген болжалга кулланувга беруьвге каратты.
– Биз басыннан алып юритилетаган куллыкларга тергев салмага токтастык. Бу ерде белгиленген болжалга баьри онъайлыклары ман янъы мектеб салынар, эм, ол келеекте АПК тармагы уьшин йогары усталыгы болган специалистлер тутувга оьз уьлисин косар деп сенемен, – деп белгиледи Мухтарбий Аджеков.