Шектинъ юкпалы авырувлары – олар дизентерия, сальмонеллез, холера, энтеровируслы эм ротовируслы инфекциялар, стафилококкок пан шакыртылган токсикоинфекция. Шектинъ юкпалы маразлары ман коьп бетинде балалар авырыйдылар.

Юкпалы авырувларды маразлы аьдем яде айван эм курт-кумырска (шыбын) яймага болады. Шек инфекцияларды шакыртувшылар кир колларда, ювылмаган емислерде эм ясылшаларда, кайнамаган сувда болады. Микробларга коьбеймеге бек аьруьв амаллар суьттен этилген азыкларда, кайнаган этте бар.

Маразлыдынъ иши авырыйды, иши юреди, юреги булганады, кусады, эти кызады, басы авырыйды.

Авырувдан сакланар уьшин ашаяктан алдын ясылшаларды эм емислерди ювмага керек. Ас асаяктан, ашаяктан алдын, кырдан келгеннен сонъ, уьй айванлары ман ойнаган сонъ колды сабын ман ювмага тийисли. Этти асаяктан, балыкты кувыраяктан алдын оларды холодильниктен шыгарып, яхшы куьйде бузын иритинъиз. Солай ок иший азыкларды (кайнатылмаган) эм аьзир асты айырым койынъыз. Кайнатылмаган эт яде балык кескен тактадынъ уьстинде кайнаган этти кеспенъиз. Азыклардынъ уьстине шыбын кондырмаска шалысынъыз.
С.Шураева, медицина профилактикасынынъ кабинетининъ врачы.