Янъыларда Махачкалада Гульшаар Шандаковадынъ, «Юрегимде толкынласкан сезимлер» деп аталып, янъы китаби шыкты. Китапте кыскаяклы-ердесимиздинъ «Оьш», «Ким шуьшли», «Сондай кыска экен яшав», «Ялгызлык» хабарлары ерлестирилген.

Гульшаар Маушевна кыскаяклылар акында эм кыскаяклылар уьшин язады. Онынъ хабарларында яшавдагы кыскаяклылар туьсетаган кыйын аьллер коьрсетиледи. Автор хатынларга каранъа куьннен сонъ ярык куьн келетаганына, кайдай узак йолдынъ да сонъы болатаганына ынандырмага шалысады, яшавдагы кыйынлыкларга карамастан, танълагы куьнге сенип, алдыга абытламага маслагат этеди.

«Юрегимде толкынласкан сезимлер» китабинде ерлестирилген Г.Шандаковадынъ хабарлары ана тилимизде шыгатаган «Шоьл тавысы» эм «Ногай давысы» газеталарында баспаланганлар.
«Юрегимде толкынласкан сезимлер» Гульшаар Шандаковадынъ биринши китаби болады. Биз ога аьли де, юрегинде толкынласкан сезимлери мен боьлисип, янъы китаплер шыгарганын йораймыз.
Н.Кожаева.
Суьвретлерде: янъы китаптинъ тысы; Гульшаар Шандакова.