Уьстимиздеги йылдынъ канътар айынынъ баслапкы куьнлериннен алып, орманларда от туьсуьв кавыфсызлыгын тутув шараларына янъы талаплавлар киритилген. Россия Федерациясынынъ Оькиметининъ, 2020-ншы йылдынъ казан айынынъ 7-нши куьнинде кабыл этилинип алынган, «Об утверждении без- опасности в лесах» деген токтасына коьре, аьр бир орманлык хозяйствосында оьзине келисли йорыкты РФ Табиат министерствосы токтастырады.

Аьр бир ерде от туьсуьв кавыфсызлыгын тутув шаралары табиат шартларына коьре озгарыладылар, тек сол йорыклар ишинде баьри ерлерге де ортаклары да бар. Айтпага, янъы шашылган, шабылган тереклердинъ калган туьпшиклери тазаланмаган ерлерде от якпага ярамайды. Орманлыкта отты тек тийисли деп белгиленген ерде якпага ярайды.
Орманлыктынъ ишинде кайдай болса да, бир объекты болган юридический лицолар яде байыр предпринимательлер, сонда кайдай болса да бир йолыгыслар озгараяк болса, коьлем аьдем йыйналаяктан алдын кавыфсызлык шараларды юритпеге кереклер, аьр бир сонда катнасаяк аьдем от туьссе, оьзин кайтип юритпеге керегин билмеге керек.
Бу йылдынъ басында кабыл этилинип алынган токтас 2027-нши йылдынъ канътар айынынъ басына дейим ислеек.