Янъыларда, «Ногайский район» МР администрациясындагы КЦСОН боьликлерининъ куллыкшылары бир неше шара озгарды. Айтпага, уьйшиликте ярдам этетаган, экинши номерли боьликтинъ куллыкшылары оьзлерининъ социаллык ярдам алувшысы, биринши куьбининъ сакаты Эльгайтар Юмакаевтинъ уьйинде йыйыстырув-ярастырув куллыклар эттилер.

Бу куллыкты озгарувда социаллык куллыкшыларга Кадрия атындагы орта мектебининъ окувшы-волонтерлары ярдам эттилер.
Ногайымызда айтылганлай, «ярдамга созылган кол курымас», дегенге усап, балалардынъ да, социаллык куллыкшыларынынъ да (олардынъ ис борышлары болса да) эткен ислери савапка язылсын. Бу куьн ясуьйкен де оьз разылыгын билдирип, байрамга аьзирлигин коьрсетти.
Г.Сагиндикова.
Суьвретте: ярдам эткен шагында.