Россия Студентлер куьнин байрамшылав ман байланыста Кизляр район администрациясында билим, илми, яратувшылык, спорт, волонтерлык аьрекетлеринде оьнерлери мен баскаланган ясларды оьрметлев шатлыклы аьлде оьтти.

Муниципалитеттинъ пресс-службасынынъ белгилеви мен, Кизляр район аькимбасынынъ орынбасары Зарема Агакшиева он алты студентлерин Разылык хатлары ман белгиледи. Оьзининъ хошлав соьзинде ол студентлерге баьри ойлаган мыратлары толганды, янъы бийикликлерди, окувда етимислерди, яшав белсенлигин йорады.
Район аькимбасы Аким Микировтынъ баславы эм район Депутатлар йыйынынынъ демевлиги мен шарада аьр бир белгиленген студентке «ведучи» курортына бармага сертификатлар да тапшырылды.
Суьвретте: шарадан коьринис.