Балалар етимислерге етсе, баьримизге де уьйкен куьез болады, боьтен де ата-анага.

Рашид эм Альфия Нурласановлар узактагы Сургут каласында яшайдылар, аьелде доьрт бала тербиялайдылар – Мухамед, Ильяс, Аиша эм Идрис. Экеви де куллыкта ислесе де, балаларга ийги тербия бермеге, олар баьри яктан да оьрленсин деп каьр шегедилер. Соьйтип, Ильяс спорт пан каьрлейди, кикбоксинг бойынша коьплеген турнирлерде, фестивальлерде оьз оьнерин коьрсетип, баргылы орынларды алады. Нижневартовск каласында озгарылган чемпионаты, Екатеринбургта «Евразия кубогы — 2022» бала-оьспир фестивали, Челябинскте кикбоксинг бойынша Кубыла Урал кубогына регионлар ара согыс саниятлар ойынлары, «Солнечный» поселогында ашык янъы йыл турнири эм сондай баска ярысларда Ильяс Нурласановтынъ спорт яшавында буьгуьнлерде болып туры. Сол затты спортсменнинъ коьплеген грамоталары эм медальлери шайытлайдылар. Ата-анасына, ювыкларына бу енъуьвлер кайдай уьйкен суьйиниш болады.
Спорт инсаннынъ ден савлыгын берклендиреди. Келеекте Ильяс уьйкен спортка шыкпага ниетленетаган болса ярайды, сол затка онынъ ымтылысы бар. Сол ниети толсын деп йораймыз кишкей ердесимиз Ильяс Нурласановка.
Г.Бекмуратова
Суьвретте: И.Нурласанов.