2005-нши йылдынъ шилле айынынъ 21-нши куьнинде кабыл этилинип алынган «Аьскерлик данъкынынъ куьнлери» деген федераллык законга коьре, аьр йыл сайын (17 йылдан бери) кырк кийик айынынъ 3-нши куьнинде Россия Федерациясында терроризм мен куьресуьвде макулласув куьни белгиленеди.

Календарь бойынша бу куьннинъ белгиленуьви 2004-нши йылдынъ кырк кийик айынынъ 1-3-нши куьнлеринде Беслан каласында болган террористлик акт пан байланыслы болады. Сол заман караклардынъ ойсыз аьрекетиннен 300 аьдем яшавы уьзилди. Сол санда коьбиси хатынлар эм балалар эдилер. Аьр йыл сайын терроризм мен куьресуьвде макулласув куьни келгенде, баьри Россия Федерациясынынъ субъектлеринде де оьзгериске багысланган шаралар озгарыладылар. Бу куьннинъ белгиленуьви, аьлиги заманнынъ баьлеси – терроризм мен куьресуьвде патшалыктынъ эм ямагаттынъ бирлиги эм тыпаклыгы коьринеди. Терроризм – аьлиги заманнынъ айлак уьйкен маьнели баьлеси болады. Ызгы заманларда сол коьплеген яслардынъ оьмирлерин кыскартты. Не шаклы ясларымыздынъ ойсыз абытлары террористлер сыраларына кирип кетуьви, коьплеген бактылардынъ туьз йолдан адасувына себеп болган. Оьсип келетаган балалардынъ яркын яшавын куьнъиртлендирген, не шаклы ясуьйкенлерди сол баьле йылатады… Терроризм мен куьресуьвде макулласув куьнининъ болганы бизди – Россия Федерациясынынъ ямагатынынъ ваькиллерин бирлестиреди. Сол бирликте – бизим салдарлы куьшим