Сизди совет аьскерлерин Афганистан Республика ериннен шыгарув куьни мен ак юректен кутлайман.

1989-ншы йылдынъ 15-нши февраль куьнинде Афганистаннан совет аьскерлерин шыгарув тамамланды. Афганистанда службасын оьткен аьскершилер эм офицерлер оьзлерин энъ сенимли эм ийги аьдемлер этип коьрсеткенлер. Бу куьн, «кайнавлы точкалар» еринде болып, оьзлерининъ гражданлык борышын намыслы толтырган эм ызына дейим антына алал болып калганларга уьйкен сый-оьрмет билдиргим келеди.
Афган согысынынъ ветеранлары буьгуьн де, аьрекетшилер сырасында болып, оьсип келеяткан несилди патриотлык тербиялавда белсен катнасадылар, район яшавына колларыннан келген коьмегин тийгистедилер.
Биз сол согыста оьз ювыкларын эм кардаш-тувганларын йойганлардынъ каты кайгысын боьлисемиз эм сол оьзгерислердинъ баьри катнасувшыларына уьйкен сый-оьрмет билдиремиз.
Аьскерши-интернационалистлерге, олардынъ ювыкларына эм кардаш-тувганларына ак юректен берк ден савлык, аьел онъайлыгын йорайман.
М.Аджеков, «Ногайский район» МР администрациясынынъ аькимбасы.