Курытылган емислер (сухофрукты) ден савлыкка бек пайдалы, оларда коьп витаминлер эм минераллар бар.

Аьлиги заман туькенлерде туьрли-туьрли, ярасык эм йылтыравык курытылган емислер сатыладылар, кайсысын алайым экен деп аьдем ойланып та калады. Кутыкка салынганнан эсе, шегилип сатылганларды алынъыз деп маслагатлайдылар, неге десе олардынъ кайдай экенин ийги этип карамага аьдемнинъ амалы болады. Курытылган емислердинъ йылтыравыкларына кендир май, секерли сироп яде консервантлар ягылган болады, сога коьре ярасыклыгы ман айлак куьшли мактанып болмаганында сайлавынъызды токтатынъыз. Курытылган емислерди ашаяктан алдын ийги этип ювмага керек. Куьрегеге оны курт-кумырскалардан саклар уьшин сера диоксидин ягадылар. Сога коьре курытылган куьрегелерди йылы сувдынъ ишине ярым саьатке салганнан сонъ, ийги этип ювмага керек. Коьгемди кулланаяктан алдын бир саьат сувык сувда койынъыз. Ол зат коьгемнен ягылган глицеринди тайдырмага ярдам этер. Бир саьаттен сонъ оны салкын сув ман ювынъыз. Эгер коьгем каты болса, оны бир аз заманга исси сувга салынъыз. Финиклерди салкын сув ман ийги этип ювса да, таман. Кишмишти суьзгишке салып ийги этип ювынъыз, сонъ 40 градуслы сувга салынъыз, юмсак кишмишке 10-20 такыйка да етер, айлак катысын сав кешеге сувда калдырмага боласыз. Курытылган инжирди щетка ман ювып, кайнаган сув куйынъыз.