Йыл сайын 26-ншы июльде биз республикамыздынъ бас байрамы – Дагестан Республикасынынъ Конституциясынынъ куьнин белгилеймиз. Сол куьн 1994-нши йылда Махачкалада Конституция йыйыны республикадынъ янъы Конституциясын кабыл эткен, 26-ншы июльди Дагестан Республикасынынъ Конституция куьни деп белгилеген эм сол куьн ортак миллет байрамы деп тарихке кирген.
Дагестаннынъ янъы Конституциясын кабыл этуьв коьпмиллетли дагестан халкынынъ патшалык туьзилисин, демократияды эм ыхтыярлар патшалыгын туьзуьвде эм оьрлентуьвде маьнели абыт болган. Конституция коьпмиллетли Дагестанда тынышлыкты эм бирликти, политикалык эм экономикалык эмишликти сакламага уьйкен косымын эткен. Бизим Конституциядынъ тек Дагестанга келисли аьлемет
миллет баскалыклары да бар. 1994-нши йылда алынган Конституциядан сонъ Дагестаннынъ эм Россиядынъ ямагат-политикалык яшавында уьйкен туьрленислер болдылар. Оьрленуьвдинъ коьшпели заман кесеги кутылды. Сол себептен 2003-нши йылдынъ 10-ншы июлинде Дагестан Республикасынынъ
янъы Конституциясы кабыл этилинип алынады. Аьлиги замандагы аьллерге эм Россия Федерациясында ортак бир ыхтыяр майданын канагатлав принциплерине коьре, ДР Конституциясынынъ янъы политикалык-ыхтыяр положениелери деп Дагестан Республикасынынъ толтырувшы власть органын басшылайтаган оьр инсаннынъ ис орынын киргистуьв эм Дагестан законодательлик органын кеплендируьвдинъ йорыгынынъ туьрленуьви саналады.
Бара-бара биз иркуьвсиз аьлде федераллык эм республикалык законодательствосын оьрленттик, федераллык нормативли актларына келиспейтаган положениелерди тайдырдык. Сонынъ нормалары эм баалыклары аьр бир дагестанлыга белгили эм анъламлы болмага керек.
Буьгуьнлерде республика оьз Конституциясынынъ нормаларына коьре яшайды эм куллык этеди. ДР Конституциясы кабыл этилингенли 31 йыл оьтти эм элимизде де коьп туьрленислер болды.
Аьлиги заманда республика власть органлары эм ямагаты СВО согыс аьрекети юрип
турган ерлерде болган ердеслеримизге, ДНР-деги Михайловский районына иркуьвсиз аьлде ярдам этип турады. Тылдынъ сондай коьмеги мен согыс спецоперациясынынъ катнасувшылары украин националистлериннен авыл-авылды эм калаларды босатып, алдыга юрип барадылар. СВО-дынъ бас ниети толаягына халкымыз сенеди эм колыннан келген ярдамын этеди.
Дагестан Конституциясы куьни мен байланыста баьри ердеслеримизди де кутлаймыз эм аьр кимге тынышлыкты эм оьрленуьвди, ис орынында янъы уьстинликлерди йораймыз!
