Янъыларда Дагестан Республикасынынъ Аькимбасы Федор Щукин Москва каласынынъ мэри Сергей Собянин мен йолыгысты.
Бу куьн етекшилер араларында соьйлесуьвдинъ бас темасы – «Московская электронная школа» (кыскаша МЭШ) Дагестан Республикасында кулланувга киргизуьв эм регионлар арасында маданият-экономикалык байланысты беркитуьв акында.
– Мундай йолыгыслар Дагестан Республикасына ийгилерден коьп затларга уьйренмеге амал береди, – деди Федор Щукин.
Онынъ соьзлерине коьре, эрисуьвсиз Москва коьп йорыклар бойынша алды орында болады, эм бизим республика сол сулыпты, оьзимизге келисли ерлерде алмага эм кулланмага ниетли.
– Элимиздинъ бас каласын оьрлендирген эм аьли де сонынъ онъайлыгы уьшин кулланылатаган амалларды алып, оьз регионымыздынъ пайдасы уьшин кулланайык. Алдымызда ислер коьп. Аьли ак юрегимнен Сергей Собянинге сулыбы ман боьлискенине эм алдыда бизи мен аьллесуьвге аьзир болганы уьшин разылыгымды билдиремен, – деди регион етекшиси.