Янъыларда Ногай районынынъ Эдиге авыл мектебинде «Сирень Победы» Савлайроссиялык акциясы озгарылды. Конаклар эсабында шарада район Хатын-кызлар Советининъ председатели Асият Манкаева, «Яслык» яслар орталыгынынъ директоры А.Шамбилов, саваплык акциялар волонтеры, педагогикалык исининъ ветераны Г.Ильясова, СВО катнасувшысы Алимсолтан Исмаиловтынъ анасы, солай ок Эдиге авыл мектебининъ директоры Г.Юзманбетова, окытувшылар эм окувшылар ортакшылык эттилер.
Шара мырады – оьсип келеяткан несилде элине патриотизм, оьз халкынынынъ тарих аьвелгиси уьшин оьктемлик сезимлерин тербиялав.
«Сирень Победы» акциясы несиллер ара байланысты беркитуьвге каратылган. Балалар оьз атайларынынъ йигитлиги акында билмеге тийислилер.