Ногай районынынъ Батыр-Мурза авыл мектебинде 2025-нши йылдынъ 10-ншы апрелинде болып озган оьзгерис бу окув ошагынынъ тарихининъ йылязбасынынъ айырым бир бетин бийледи. Сол куьн бу билимлендируьв учреждениесине «Ногайский район» МР аькимбасы Д.Эсиргеповтынъ кабыл этип алынган Токтасы ман (05.02.2025) келисте Эли алдында аьскерлик борышын толтырувда янын берген СВО катнасувшысы Шамиль Юмалиевич Менлигазиевтинъ аты берилди. Ерли мектебке меним увылымнынъ аты тагылганы тек онынъ атын оьмирлетип калмайды, ол патриотизмнинъ, эрликтинъ эм аьскерлик борышына алаллыктынъ белгиси болады. Бу оьзгеристинъ тек Батыр-Мурза авыл мектебине тувыл, савлай Ногай районы уьшин уьйкен маьнелиги бар. Меним кедем бу мектебте 11 йыл окыган, мен, окытувшы, оьз авылымнынъ яшавшыларына, мектеб коллективине бу ак ниетли исти яклаганлары уьйкен разылыгымды билдиремен.
Меним Шамиль увылымнынъ аты бу мектебте окып, билим дуныясы бойынша кезинген баьрисине де яркын коьрим уьлгиси болар. Онынъ атын оьмирлетуьвге каратылган бу ак ниетли истинъ яшавга шыгарылувы – окувшыларда патриотизм сезимлерин эм халкымыздынъ тарихине, бизим эркинлигимиз уьшин яшавларын курман эткен баьтирлеримизге сый-оьрмет этуьвди тербиялавда маьнели абыт.
Медина Кожахметовна
Муталиммова,
Батыр-Мурза авыл мектебининъ окытувшысы.