Халмурза Кумуков – Бизим ногай яс йигит. 

Катнаскан Аталык давда, Энъ де авыр кавгада.

 Полкта калган аз солдат, Пулеметлар кутылган.

 Атыспага алат йок, Осал аьлде полк турган. 

Душпанды енъуьв уьшин, Халмурза алды барган. 

Атып турган пулеметты Кевдеси мен ол япкан. 

Эли уьшин, енъуьв уьшин, Яс янын аямаган.

 Йырма сегиз ясында Атаклы баьтир болган. 

Халмурза аты мутылмас, Мутылмаяк оьмирге. 

Сондай данъклы йигитлер, Яшав коьрсеткен Элге.

 Куьнбатарда орам бар, Халмурза аты аталган. 

Сол орамнынъ басына Эстелик тас салынган. 

Юрген, турган коьреди, Уьйкен сыйын этеди. 

Эстеликке янасып, Басын ийип кетеди. 

С.Койлакаева. Куьнбатар авылы.

 Суьвретте: Куьнбатар авылында Х.Кумуков атындагы орамындагы эстелик.