Сайлавларда катнасканлардынъ ишинде биринши кере тавысларын бергенлер де бар эди. Биринши кере бюллетень алув, биринши сайлав яс аьдемлердинъ эсинде коьп заманга сакланады. Сол тек оьз борышын толтырув тувыл, а инсаннынъ гражданлык позициясынынъ туьзилуьвинде маьнели кезек болады. Ногай районынынъ Уйсалган авылынынъ яшавшысы Дамир Эрежепов РФ Госдумасына, ДР Халк йыйынына, ерли муниципальли органларына депутларды сайлавында биринши кере катнасты. Кашан да, онынъ юрегиндеги сезимлер туьрли эди – оьктемлик, телезуьв. – Мен оьзимди уьйкен эм яваплы гражданин этип сездим. Меним тавысым элим уьшин маьнели экени оьктемлик сезимин тувдырды, – дейди Дамир. Биринши тавыс – сыйлы яваплылык. 

Г.Бекмуратова.