Аьлиги замандагы энъ де уьйкен техногенлик авария 1986-ншы йылдынъ 26-ншы апрель куьнинде Чернобыль атомлыэлектростанциясынынъ 4-нши энергоблогында  болып оьткенли 39 йыл
толады. Сонынъ сырагысында реактор толы кебинде бузылып, тоьгерекке айлак коьп радиаци-
ялы затлар яйылган. Солар Европадынъ эм ол замандагы Совет Союзынынъ хыйлы ерлерине радио-
нуклеидлерди таралткан. Айлак та бек радиация ман Россиядынъ, Украинадынъ эм Белоруссиядынъ
ерлери зарарланган. Авариядынъ калдыкларын бир неше ведомстволардынъ командалары тайдырганлар. АЭС-тинъ 30 шакырымлык тоьгерегинде специалистлер мен аьскершилер куллык эткенлер. Сонъында олардынъ баьрисин де Чернобыль АЭС баьлеказасынынъ ызларын тайдырувшылар деп атаганлар. Олардынъ саны 600 мынъ аьдемге етискен. Сол аьдемлер ишинде Ногай районымыздынъ да 30-дан артык йигитлери дуныяды атомлы баьлеказадан коршалавда баьтирлерше катнасканлар. Олардынъ эрлиги дайым да бизим эсимизде!