Янъыларда америка аукционында ат иелери Дагестаннынъ Тарумов районынынъ яшавшысы Темирбек Исмаилов эм «Кунбатар» атлар клубы уьшин сатып алынган Брайтуотер деген эки яслык аргымагы США Индиана штатында Horseshoe Indianapolis ипподромында енъуьвши болып шыкты. Аргымак FasigTipton аукционыннан «Кунбатар» атлар клубынынъ тренери эм менеджери Михаил Янаков пан алынган. Maiden Special Weight (MSW) дережели ат шабысына каратылган оьлен тоьселген йолында 1006 шакырым ерине дейим оьтти. 11 катнасувшылары ишинде Брайтуотер он куьндеслерин озып, оьз юйриклигин коьрсетип, 56, 03 секундалар ишинде, жокей Мигел Фернандестинъ етекшилеви мен, биринши болып келди. Соьйтип, командадынъ биргелес исининъ тамамы бийик етимиске аькелди. Ат иелери эм «Кунбатар» атлар клубынынъ тренери Армандо Эрнандеске (Armando Hernandez) эм баьри ис аьрекетшилерине йол алувга атты йогары оьлшемде аьзирлегени уьшин шынты разылыгын билдиреди. Савлай командады эм ат иелерин де сол бийик енъуьви мен кутлаймыз эм Брайтуотерге американшы эм сондай баска ипподромларында да келеекте де бийик етимислери коьп болганын йораймыз. 

Э.Кожаева. Суьвретте: Брайтуотер енъуьвши орын иеси.