Россияда тамбыз айынынъ басында социаллык куллыкшысынынъ куьни
белгиленеди. Бу байрамтяшавшыларды социаллык яктан коршалав тармагын-
да ислейтаганларга эм ясуьйкенлерди, сакатларды, оьксиз балаларды коьтер-
гишлейтаганларга багысланган. Официальли аьлде бу куьн 2000-ншы йылдан алып белгиленеди, ама керексинетаганларга коьмекке алгасайтаган инсан-
лардынъ тарихи коьплеген йыллар артта басланган.
Социаллык куллыкшылары эсли аьдемлерге энъ де баслап эс этуьв керекли,
олар ман соьйлемеге, кыйналув ман, суьйиниш пен боьлиспеге тийисли, олар
оьзин бу яшавда биревге сама керек экенин сезбеге керек дейдилер. Сога коьре, бу тармактынъ куллыкшылары баьри затты да этип болатаган, билимли, талаплы инсанлар деп белгили.
Социаллык тармагында Саниет Салимгерей кызы Эрежепова коьплеген йыллар артта ислеп баслаган, ол Терекли-Мектебте КЦСОН, УСЗН организацияларында куьндизги боьликте пищеблок куллыкшысы болып ислеген, Мурзадин Авезовтынъ, Тахир Акманбетовтынъ етекшилеви астында куллык эткен. Сонъын-
да Саниет Уьйсалган авылыннан Бегали Эрежепов пан аьел курып, сонда коьшеди. Буьгуьнлерде Эрежеповлардынъ аьелинде 5 аьвлетлер, эки йиенлер
тербияланадылар. Уьйде эсли кайнанасына да коьмегин этип, карайды Саниет Салимгерей кызы.
Ызгы йылларда ол авыл ясуьйкенлерине, ярдам керек яс аьдемлерге коьмек
этеди, Уьйсалган авылында социаллык куллыкшысы болып ислейди. Онынъ
борышлары – уьй йыйнамага, дарман, азык-туьлик аькелмеге, психологиялык
ярдам этпеге, ас аспага. Ясуьйкен анайлар Саниетти кызындай коьредилер,
оларга тек ис яктан коьмек тувыл, хатын йылувлыгын да берип турады.
– Меним куллыгым бек ярайды мага. Мен коьмек этетаган аьр бир аьдем мага бек ювык, олардынъ юрегиндеги, янындагы ниетлери, ойлары айлак таза, мен келгенде, олар бек суьйинедилер, мен де оларды аьр заманда да коьтергишлемеге, айткан затларын заманында ийги этип толтырмага шалыса-
ман. Меним етекшим Марзиет Ахматовна Картакаева, специалист болып Альфира Эсенбаева ислейди. Мен бала заманымнан алып аьдемлерге пайда, коьмек этпеге деп ниет этетаган эдим, сол ойларым яшавга шыгарылга-
нына бек суьйинемен, – деп хабарлайды оьз куллыгы акында Саниет Эре-
жепова.
Ол коьмек этетаган Уьйсалган яшавшылары социаллык куллыкшысы акында тек ийги соьзлер айтадылар.
– Саниетти коьп йыллардан бери таныймыз, авылдынъ ийги деген келинлери деп саналады ол. Эткен исин яваплылык пан, ерине еткерип этеди, бавырмалы, куллыксуьер хатын, – деп айтады социаллык куллыкшысы акында авыл ясуьйкени Кайтархан Зармукаева. Тезден баьри социаллык куллыкшылары кеспи байрамын карсы аладылар. Оларды кутлап, ислеринде уьстинликлер, ден савлык йораймыз.
Г.Бекмураова.
Суьвретте: С.Эрежепова оьзи карав беретаган аьдемлери мен.