Оьткен ис юмадынъ сонъында Ногай район муниципаллык туьзилисининъ етекшиси Джамалутдин Эсиргепов РФ Коршалав министерствосы ман контрактлы службады бардырув уьшин кол баскан Алимхан Мустафаев пен йолыгысты. Йолыгыс «Ногайский район» МР администрация меканында оьтти. Бу шарада район администрация етекшисининъ орынбасарлары Рашид Шангереев эм Мурат Шадиев те ортакшылык эттилер. Ногай район етекшиси оьз ягыннан СВО катнасувшысы болмага ниетленген эр кисиге онынъ аьелине эм баьри согыс спецоперация катнасувшыларына тармаклы ярдам этилетаганын да айтып кетти. Солай ок, Джамалутдин Эсиргепов аьскершиге ийги насихат соьзлерин айтып, Элди коршалав уьшин, сонынъ кызыксынувларын яклар уьшин, алган йигерли гражданлык позициясы уьшин разылыгын билдирди. Йолыгыстан сонъ, Алимхан Мустафаев республикамыздынъ бас каласы Махачкаладагы йыйылув пунктына йол алды, оны йолга Рашид Шангереев салмага кетти. Ногай район администрациясы согыс спецоперациясынынъ катнасувшыларына уьйкен эс берип карайды эм алдыда да карамага ниетлер бар, солай ок, олардынъ аьеллерине де терен маьне берилип, ярдам этиледи.