Быйыл язлыкта Махачкаладагы Дослык уьйинде Дагестан Республикасынынъ Халк Йыйынынынъ Председатели Заур Аскендеров патшалык савгаларын тапшырган аьдемлердинъ арасында бизим де ердесимиз – Анжела Аджиева да бар эди.
Анжела – халкымыздынъ зейинли композиторы, белгили музыкант, Залимхан Магомед увылы эм окытувшы Сайдат Елкайдар кызы Максутовлардынъ оьнерли
аьелинде тувып оьскен. Ол да яслай атасы ман аданасы, композитор Мурат Мак-
сутовтынъ йолын алып, Терекли-Мектеб авылындагы музыкалык мектебинде фортепиано классын окып кутарган. Сонъында республикалык Г.Гасанов атындагы музыкалык училищесин окып битирген эм 1996-ншы йылдан алып С.Батыров атындагы саниятлар мектебинде фортепиано классы бойынша окытувшы эм концертмейстер болып куллык этеди. Онынъ коьп окувшылары район, республикалык, Савлайроссиялык, халклар ара конкурсларында катнасып енъуьвши эм баргылы орынларды казанып келедилер.
Анжела Аджиева коьпйыллык етимисли эм намыслы иси уьшин Дагестан
Республикасынынъ ат казанган маданият куллыкшысы деген сыйлы ат пан сав-
галанган. Ердесимизди сондай бийик савгасы ман кутлап, ога оьнер куллыгында
эндиги де коьп уьстинликлерди йораймыз.
Суьвретте: Анжела Аджиева.