Янъыларда Дагестан Республикасынынъ Оькиметининъ Председатели Магомед Рамазанов регионымызда миллет проектлерининъ яшавга шыгарылувы бойынша йыйын озгарды.
Сол йолыгыс барысында 2026-ншы йыл регионга 26 миллиард маьнет акша шыгарылганы белгили болды.
Премьер-министрдинъ оьзининъ социаллык тармакларындагы билдируьвлерине коьре, оьрленуьв баьри маьнели экономикалык эм социаллык тармакларда боладылар. Сол келим аркалы республикада медициналык, билимлендируьв, маданият тармакларында капиталлык ярастырув эм курылыс куллыклар этиледилер.
Сол санда республика бойынша 39 муниципалитетлерде 126 ямагат кенъликлерин ярастырувга карыж шыгарылган. Бу белгиленген куллыклар уьстимиздеги йылдынъ карагыс айынынъ биринши куьнине этилип кутылмага керек.
Миллет проектлердинъ кулланувга берилип, яшавга шыгарылганы тек бизим кишкей аталыгымызга тувыл, савлай элимиздинъ оьрленуьвине уьйкен косымын этеди эм яшав сапатын да коьтереди.