Дагестаннынъ Ногай орманлык еринде питомник кайтадан оьз аьрекетин баслады. Ол, «Экология» миллет проекти яшавга шыгарылувы ман байланыслы болып, урлыклар шашып, яс оьсимликлер (сеянцы) эм яс тереклер (саженцы) оьстируьв мен каьрлеек.
Быйыл питомникте карагай (сосна), куьйриш (ясень), эмен (дуб) эм баска яс тереклер кеплерин оьстируьв планланады. Бу куьнлерге мунда куьйриш эм карагаш (вяз) эм баска тереклердинъ урлыклары шашылган, топырак уьсти кабатланган (мульчирование), ол шашылганды коршалайды (айтпага, кыста – сувыклыктан, язда – иссиликтен).
ДР-нынъ орманлык хозяйство Комитетининъ председатели Вагаб Абдулхамидовтынъ билдируьвине коьре, оьркен атып шыккан яс карагаш тереклерди коршалав уьшин олар олтыртылган ер уьстине уватылган агаш калдыкларын (опилки) яядылар. Шашувдан сонъ яс оьсимликлер эм яс тереклер сонда ок кол ман сувгарылады, а оннан сонъ дозаторлар кулланылып, шашылган оьсимликлердинъ тамыр туьбине сув тамшыларын йиберуьв мен сувгарув иси планланган.
Куьзге Ногай питомнигинде миллет проекти ишинде яшавга шыгарылмага керек патшалык борышы ман келисте Дагестан орманлыкларды кайтадан тургызув мырат пан 300 мынънан артык яс тереклер оьстируьв планга киргистилген.