Янъыларда ДР Оькиметининъ председателининъ орын басарынынъ исин толтырувшы Абдурахман Махмудов согыс спецоперациясынынъ ветеранларын эм катнасувшыларын социаллык яктан колтыклав соравларын коьтерди эм оларды ис орынларда катнастырувды да ортага салып ойламага амал берди.
Министрлер кабинетининъ пресс-службасы билдиргенлей, бизим республикамыз элди коршалавшыларды колтыклав ниет пен коьп ис юритеди, айтпага, ДР Ис министерствосы аьр ай сайын 7,2 мынъ СВО катнасувшыларына эм олардынъ аьеллерине ярдам этеди. Солай ок, республикамызда 441 СВО катнасувшысы
ман эм 976 – олардынъ аьел агзалары ман соцконтрактка кол басылган, профориентация бойынша 506 шара
толтырылган, 204 – психологиялык колтыклав, 234 – социаллык эм 64 предпринимательство ягыннан коьмек этилген. Согыс спецоперациясынынъ катнасувшыларына тийисли документлерди аьзирлевде де колтыклав этиледи.
Йыйында маьнели эс согыс спец- операциясында катнасып, ден савлыкларына зарар келген ветеранларды
ис орынларга ерлестируьв соравына берилди.
Абдурахман Махмудов профильный ведомстволарына СВО ветеранларын куллыкка алганда куллык
беруьвшидинъ карыжын толтырув механизмин белсентуьвге эс этинъиз деген ойын айтты.
Йолыгыстынъ ызында ДР Ис министерствосына баска профильли ведомстволар ман биргелесте, СВО ветеранлары кайдай ис орынларда ислейдилер эм оларга тийисли ярдам кайтип этилетаганын анализлеп, тамамлар бойынша карарлар алынмага кереги белгиленди.