Аьр кайсы окув ошагында тийисли сынавлар оьтип биткеннен сонъ, язгы тыншаюв
куьнлер басланганда, Россия элинде Яслар куьнин белгилев ийги аьдет болады. Бу йылга дейим июнь айынынъ 27-нши куьнинде яслар байрамы белгиленетаган эди,
эндигиден армаган, РФ Президентининъ указы ман, июнь айынынъ ызгы юма сонъгы куьнинде белгиленеек. Яслар куьни элдинъ келеектегисининъ байрамы.
Яс аьдемнинъ уьстинликлери, етискен йоллары, элбетте, сукландырады. Ак юректен онынъ етимислерине суьйинесинъ… Халил Суюнов (суьвретте). Мектеб йылларында онынъ уьстинликлери акында аз эситпедим: район, республикалык кезеклерде оьткен туьрли шараларда савгалы орынларга ьетисип турды, сонъ, ол йогары уьстинликлери
мен Дагестан Республикасынынъ коьп профилли лицейин кутарып, Москва каласындагы «Высшая школа экономики» миллет актарув университетининъ
дуныялык экономика эм политика факультетине окымага туьседи.
Бу куьнлерде ол кайтип мектебтеги окув йылларды оьткерген, соьйтип, уьстинликли
сайлаган кесписининъ шайытламасын да алады. Йогары окув ошагында да Халилдинъ
ийги аты айтылып турды. Онынъ алдында – кенъ йол, сол йолыбир тыйдажылыксыз,
уьстинликли болсын. Сондай яслардынъ колында – Россиядынъ келеектегиси.
Г.Сагиндикова,
РФ Журналистлер Союзынынъ агзасы.